गणतन्त्रमाथि हिलो छ्याप्ने कोसिस भइरहेको छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले संघीय लोकतान्त्रिक गणतन्त्रमाथि हिलो छ्याप्ने कोसिस भइरहेको बताएका छन् । शनिवार काठमाडौंमा अखिल नेपाल ट्रेड युनियन महासंघको पदास्थापन कार्यक्रमलाई सम्बोधन गर्दै उनले एकथरि मान्छेहरू परिवर्तनलाई उल्ट्याउने र संघीय लोकतान्त्रिक गणतन्त्रमाथि हिलो छ्याप्ने कोसिस गरिरहेको बताएका हुन् । 

'देशमा एकथरी मानिसहरू नेपाली जनताले झन्डै ७ दशक बढी संघर्ष गरेर प्राप्त परिवर्तनलाई उल्ट्याउने र संघीय लोकतान्त्रिक गणतन्त्रमाथि हिलो छ्याप्ने कोसिस गरिरहेका छन्,' उनले भने, 'त्यसो हुँदा १२ बुँदे समझदारी हुँदै विस्तृत शान्ति सम्झौता र संविधानको घोषणामा एकसाथ उभिएका दलहरू फेरि एक ठाउँ उभिनुपर्ने स्थिति आउनसक्छ भनेर हामी बसेका हौँ ।’प्रधानमन्त्री दाहालले आफ्नो भारत भ्रमणको तयारी नयाँ रेकर्ड बनाउनेगरी हुन लागेको बताए ।