रोल्पा । रोल्पामा जीप दुर्घटना हुँदा एक युवकको मृत्यु भएको छ । मृत्यु हुनेमा गङ्गादेव गाउँपालिका–२ ओइलाम निवासी १५ वर्षीय तिलक वली रहेको जिल्ला प्रहरी कार्यालय रोल्पाका प्रहरी उपरीक्षक श्याम सारुमगरले जानकारी दिए ।
तुलसीपुरदेखि रोल्पाको गङ्गादेव गाउँपालिका–६ ताप्लातर्फ आउँदै गरेको लु १ ज ४७५५ नम्बरको डबल क्याप जीप आज बेलुकी १६ः३० बजेको समयमा रोल्पाको गङ्गादेव गाउँपालिका–२ हेलुमखोलास्थित दुर्घटना भएको प्रहरीले जनाएको छ । जीप ओरालो कच्ची बाटोमा अचानक बे्रक फेल र स्टेरिङले काम नगरी सडकबाट करिब तीन सय मिटर तल खसी दुर्घटना भएको प्रहरी प्रमुख सारुमगरले बताए।
जीपमा सवार चालकसहित १० जनामध्ये नौ घाइते भएका छन् । घाइतेलाई तत्काल उद्धार गरी स्थानीय स्वास्थ्य संस्थामा उपचारपछि थप उपचारका लागि दाङतर्फ पठाइएको प्रहरीले बताएको छ ।
प्रतिक्रिया दिनुहोस
सफल खबर संवाददाता
आइतबार, १७ बैशाख २०८०, २० : ११
लेखकबाट थप
सम्बन्धित समाचारहरु
मनकामना जाँदै गरेको जीप दुर्घटना हुँदा एकजनाको मृत्यु
मुगुमा जीप दुर्घटना, दुई जनाको मृत्यु
उदयपुर जीप दुर्घटना: मृतकको संख्या ७ पुग्यो, ८ को उद्धार
उदयपुरमा जीप दुर्घटना, ५ जनाको मृत्यु
भारतको मध्य भारतमा जीप दुर्घटना, १५ जनाको मृत्यु
अछाम जीप दुर्घटना अपडेट : एक नाबालकको मृत्यु, १४ जना घाइते [नामसहित]