कोरोना अपडेट : थप ५१ जनामा संक्रमण पुष्टि, एकजनाको मृत्यु

काठमाडौं । पछिल्लो २४ घण्टामा कोरोनाबाट थप एक जनाको मृत्यु भएको छ । स्वास्थ्य तथा जनसंख्या मन्त्रालयका अनुसार शनिबार कूल १२३८ जनामध्ये पीसीआर विधिबाट २०५ र एन्टीजेन विधिबाट १०३३ जनामा कोरोना परीक्षण गर्दा थप ५१ जनामा संक्रमण पुष्टि हुँदा १ जनाको निधन भएको हो ।

पीसीआर विधिबाट २२ तथा एन्टीजेन विधिबाट २९ जनामा सङ्क्रमण पुष्टि भएको मन्त्रालयले जनाएको छ । शनिबार ३५ जना निको भएर घर फर्किएका छन् । मन्त्रालयका अनुसार सक्रिय सङ्क्रमितको सङ्ख्या ३६१ पुगेको छ । हाल २७ जना संस्थागत आइसोलेसनमा, ८ जना आईसीयू र १ जना भेन्टिलेटरमा उपचाररत रहेको पनि मन्त्रालयले जनाएको छ ।