आयोगले दियो रविलाई निर्वाचित भएको प्रमाणपत्र

काठमाडौं । राष्ट्रिय स्वतन्त्र पार्टीका सभापति रवि लामिछानेले प्रतिनिधिसभा सदस्य निर्वाचित भएको प्रमाणपत्र लिएका छन् ।

चितवन २ मा ५४ हजार १७६ मतसहित विजयी भएपछि उनलाई निर्वाचन कार्यालले प्रमाणपत्र प्रदान गरेको हो । उनका प्रतिस्पर्धी गठबन्धनबाट नेपाली कांग्रेस उम्मेदवार जीतनारायण श्रेष्ठले ११ हजार २१४ मत प्राप्त गरे । लामिछाने र श्रेष्ठबीचको मतान्तर ४२ हजार ९६२ हो ।

एमालेका उम्मेदवार रामप्रसाद न्यौपाने १० हजार ९३६ मत ल्याएर तेस्रो बने । मंसिर ४ को चुनावमा रविले ४९ हजार ३०० मत प्राप्त गरेका थिए । सर्वोच्च अदालतले उनको नागरिकता अवैध रहेको फैसला गरेपछि उपप्रधान तथा गृहमन्त्री, सांसद पद गुमेको थियो ।