फक्स न्युजले गलत रिपोर्टिङका लागि तिर्नुपर्‍यो १ खर्ब रुपैयाँ

एजेन्सी।फक्स न्युजले २०२० को अमेरिकी राष्ट्रपति चुनावको बारेमा रिपोर्टिङका लागि भोटिङ मेसिन कम्पनी डोमिनियनसँग चलिरहेको मानहानि मुद्दालाई सुल्झाएको   छ । यस विषयमा दुवै पक्षबीच सहमति भएको छ । अन्तिम समयको यो सम्झौतामा फक्स न्युज नेटवर्कले डोमिनियनलाई ७८७ मिलियन डलर (१ खर्ब रुपैयाँ) भुक्तानी गरेको छ ।

डोमिनियनको तर्क अनुसार च्यानलले आफ्नो रिपोर्टमा डोनाल्ड ट्रम्पको विरुद्ध मतदानमा धाँधली भएको दाबी गरेको थियो, यसले कम्पनीको व्यापारमा घाटा पुर्‌यायो । यो सम्झौता पछि, फक्स समूहका कार्यकारी रूपर्ट मर्डक अदालतमा उपस्थित हुनबाट बचे ।यस मामलामा गरिएको सम्झौतालाई न्यायाधीशको सहमति आवश्यक हुँदैन । एक बयानमा फक्स न्युजले अमेरिकाको हालैको इतिहासमा यो सबैभन्दा प्रत्याशित मानहानि मुद्दामध्ये एक भएको बतायो । मंगलबार भएको सम्झौताले ‘पत्रकारिताको उच्च मापदण्डप्रति उसको प्रतिबद्धता’ झल्काउँछ ।