भारतबाट बढेर आयो पेट्रोलियम पदार्थको मूल्य

काठमाडौ । पेट्रोलियम पदार्थको मूल्य बढेर आएको छ । भारतीय आयल निगमले डिजेलमा करिब एक रुपैयाँ र पेट्रोलमा करिब साढे ६ रूपैयाँ मूल्य बढाएर नेवाल आयल निगमलाई पठाएको हो । 

अन्तर्राष्ट्रिय बजारमा कच्चा तेलको मूल्य बढेकाले इन्धनको मूल्य बढेर आएको निगमको भनाइ छ । 

१५ दिन अघि कच्चा तेल प्रतिब्यारेल ७५.७६ अमेरिकी डलर रहेकोमा अहिले अहिले प्रतिब्यारेल ८५ डलर पुगेको छ ।

हाल नेपाली बजारमा पेट्रोलको मूल्य प्रतिलिटर १७५ रुपैयाँ र डिजेलको मूल्य प्रतिलिटर १६५ रुपैयाँ छ । निगमले सञ्चालक समितिको बैठक बसेर मूल्य बढाउने वा नबढाउने भन्नेबारे निर्णय गर्ने बताइएको छ ।