काठमाडौँ । नेकपा एमालेका सांसद रघुजी पन्तले दल पिच्छेका ट्रेड युनियनहरू खारेज गर्नुपर्ने बताएका छन् । बुधवारको प्रतिनिधिसभा बैठकमा बोल्दै सांसद पन्तले नेपालको लोकतान्त्रिक आन्दोलनमा शिक्षक, कर्मचारीको भूमिका रहे पनि अहिलेको अवस्थामा त्यसमा पुनर्विचार गर्नुपर्ने भन्दै दलपिच्छेका ट्रेड युनियनहरू खारेज गर्नुपर्ने बताए । ‘परिस्थितिले कानुनहरूमा केही परिवर्तन पनि खोज्छ । परिस्थितिले नयाँ कानुन निर्माणको आवश्यकता पनि देखाउँछ’, उनले भने, ‘नेपालको लोकतान्त्रिक आन्दोलनमा शिक्षक कर्मचारीको ठुलो भूमिका पनि छ ।
त्यो भूमिकाको हामीले सराहना पनि गर्नुपर्छ । तर अब अहिलेको परिस्थितिमा उहाँहरूले विभिन्न दलगत ट्रेड युनियन कायम राख्ने कुरा कति उपयुक्त हुन्छ भनेर राजनीतिक दलहरूले पनि र मन्त्रीजीले कानुन बनाउँदा पनि सोच्ने अवस्था आयो ।उनले कर्मचारीहरूको दलीयकरणले समस्या ल्याएको पनि बताए । ‘चाहे शिक्षक होस् वा कर्मचारी दलपिच्छेका ट्रेड युनियनलाई खारेज गर्नुपर्ने अवस्था छ । किनभने कर्मचारीहरूको दलीय करणले समस्या ल्याएको छ’, पन्तको भनाई छ ।
प्रतिक्रिया दिनुहोस
सफल खबर संवाददाता
बुधबार, २९ चैत्र २०७९, १४ : ५५
लेखकबाट थप
सम्बन्धित समाचारहरु
मुल्यवृद्धिले सीमा नाघेको भन्दै रघुजीले सुनाए संसद्मा कविता
नयाँ नक्साबारे विदेशी मुलुकलाई गरिएको पत्राचारबारे जानकारी गराउन एमालेको माग
अर्थमन्त्रीलाई रघुजी पन्तको चेतावनी : चुरे नछुनुहोला, देशमा आगो बल्छ
पाठ्यक्रमबाट डा. सन्दुक रुइतको जीवनी हटाइएकोमा रघुजी पन्तको आपत्ति
नेपालको अर्थतन्त्र बिचौलिया र ठूला व्यापारीको घेराभित्र छ: रघुजी पन्त
रघुजी पन्तको प्रश्न : सांसदका प्रश्न कसले आउट गर्यो ?