रियल म्याड्रिड ६–० ले विजयी

एजेन्सी । स्पेनिस ला लिगा अन्तरगत गएराति सम्पन्न खेलमा  रियल म्याड्रिडले रियल भालाडोलिडविरुद्ध गोलको वर्षा गरेको छ ।  

कप्तान करिम बेन्जेमाले पहिलो हाफमै  ह्याट्रिक पूरा गरेको खेलमा म्याड्रिडले घरेलु मैदानमा ६–० को सानदार जीत हासिल गरेको हो ।

 खेलमा गोलको खाता भने २२औं मिनेटमा रोड्रिगोले खोलेका थिए । त्यसपछि  बेन्जेमाले २९औं, ३२औं र ३६औं मिनेटमा गोल गरे ।  

त्यसैगरी ७३औं मिनेटमा मार्को एसेन्सियोले गोल गर्दै रियललाई ५–० ले अघि बढाए भने त्यसपछि इन्ज्युरी समयको पहिलो मिनेटमा लुकास भास्क्वेजले थप गोल गर्दै रियललाई ६–० को सानदार जित दिलाए ।