ट्याक्टरले ठक्कर दिँदा एक महिलाको मृत्यु

वीरगञ्ज । ट्याक्टरले ठक्कर दिँदा पर्सामा एक महिलाको मृत्यु भएको छ। मे. १ त ४८१७ नम्बरको ट्याक्टरले ठक्कर दिँदा पर्साको धोविनी गाउँपालिका- ३ गुलरिया बस्ने वर्ष ७२ की महेसिया देवीको मृत्यु भएको हो।

पटेर्वा सुगौली गाउँपालिका- ४ स्थित सडकखण्डमा ट्याक्टरले साइकलमा सवार उनी र उनका श्रीमान प्रसाद हजरालाई ठक्कर दिँदा दुवै जना घाइते भएका थिए।

उपचारको क्रममा महसिया देबिको नारायणी अस्पताल वीरगन्जमा मृत्यु भएको पर्साका प्रहरी प्रबक्ता दिपक गिरीले जानकारी दिए।

घाइते हजराको उपचार भइरहेको तथा ट्याक्टर चालक कालिकामाई गाउँपालिका- २ बस्ने महेन्द्र सहनीलाई नियन्त्रणमा लिइ थप अनुसन्धान भइरहेको गिरीले बताए।