उपराष्ट्रपति उम्मेदवारको टुंगो लगाउन एमालेले बोलायो सचिवालय बैठक

सफल खबर संवाददाता

शुक्रबार, २६ फागुन २०७९, २० : ५६
उपराष्ट्रपति उम्मेदवारको टुंगो लगाउन एमालेले बोलायो सचिवालय बैठक

काठमाडौं । नेकपा एमालेले भोलि बिहान ९ बजे सचिवालय बैठक बोलाएको छ । केन्द्रीय कार्यालय च्यासलमा बोलाइएको बैठकमा उपराष्ट्रपतिको चुनावबारे छलफल हुने केन्द्रीय कार्यालय सचिव डा.भिष्म अधिकारीले बताए ।

उपराष्ट्रपतिको चुनावमा उम्मेदवारी दिने वा दिने भन्नेबारे एमालेले निर्णय लिएको छैन । सत्तारुढ आठ दलबीच गठबन्धन हुँदा एमालेका राष्ट्रपति उम्मेदवार सुवास नेम्वाङ पराजित भएका छन् ।

उम्मेदवारी दिने वा नदिने भन्नेबारे पार्टीभित्र अनौपचारिक छलफल चलिरहेको एक नेताले बताए । ‘सचिवालय बैठक अगाडि एउटा निष्कर्षमा पुग्छौं, उम्मेदवारी दिने कि नदिने भन्नेबारे अहिले अनौपचारिक कुराकानी भइरहेको छ’ ती नेताले भने ।

३ चैतमा हुने उपराष्ट्रपतिको चुनावका लागि भोलि मनोनयन दर्ता हुँदैछ ।

प्रतिक्रिया दिनुहोस