संसद् बैठक दिउसो १ बजेलाई सर्‍यो, विश्वासको मत दिने वा नदिनेबारे काँग्रेस पदाधिकारी छलफलमा

सफल खबर संवाददाता

मंगलबार, २६ पुस २०७९, १० : ४१
संसद् बैठक दिउसो १ बजेलाई सर्‍यो, विश्वासको मत दिने वा नदिनेबारे काँग्रेस पदाधिकारी छलफलमा

काठमाडौँ । संघीय संसद् अन्तरगत प्रतिनिधि सभाको बैठक १ बजेका लागि सरेको छ । बिहान ११ बजेका लागि बोलाइएको बैठक नेपाली कांग्रेसको आग्रहमा सारिएको संसद् सचिवालयले जनाएको छ ।

आजको बैठकमा प्रधानमन्त्री पुष्पकमल दाहाल ‘प्रचण्ड’ ले विश्वासको मत लिने कार्यसूची रहेको छ । विश्वासको मत दिने बारे निर्णय गर्न कांग्रेसले बिहान ९ बजे संसदीय दलको बैठक बोलाएको थियो । तर, अहिलेसम्म पनि सो बैठक सुरु हुन सकेको छैन । 

कांग्रेसका पदाधिकारीहरुसहित शीर्ष नेता यतिबेला पार्टी सभापति शेरबहादुर देउवा निवास धुम्बाराहीका छलफलमा जुटेका छन् । बैठकले प्रधानमन्त्री प्रचण्डलाई विश्वासको मत दिने वा नदिनेबारे निर्णय गर्ने बताइएको छ ।