प्रधानमन्त्री प्रचण्डलाई भेट्न पुगे ओली

काठमाडौं । नेकपा माओवादी केन्द्रका अध्यक्ष पुष्पकमल दाहाल‘प्रचण्ड’लाई भेट्न नेकपा एमाले अध्यक्ष केपी शर्मा ओली खुमलटार पुगेका छन् । बालकोटबाट ओली भर्खरै प्रचण्ड निवास खुमलटार पुगेको ओलीका प्रेस संयोजक रामशरण बजगाईले बताए ।

प्रधानमन्त्री निवास बालुवाटारमा प्रचण्ड सरि नसकेकाले ओली खुमलटार पुगेका हुन् । अध्यक्ष ओली प्रचण्ड निवास जम्मा दुई पटक मात्रै पाइला टेकेका छन् । प्रचण्ड पुत्र प्रकाश दाहालको निधन हुँदा र तत्कालिन नेकपा विभाजन हुनुअघि खुमलटा पुगेका थिए । नेकपा विभाजन भएपछि पहिलो पटक ओली प्रचण्डलाई भेट्न खुमलटार पुगेका हुन् । 

ओली प्रचण्डवीच मन्त्रिपरिषद् विस्तारका विषयमा छलफल हुने स्रोतले जनाएको छ । तत्कालिन नेकपा खेमालाई समेत जोड्नेगरी प्रचण्डले प्रयास थालेका छन् । त्यसै अनुरुप बुधबार विहान नेकपा एकीकृत समाजवादीका अध्यक्ष माधवकुमार नेपाललाई प्रचण्डले भेटेका थिए । नेपाललाई सरकारमा सहभागी गराउने विषयमा छलफल भएको बताएको छ ।