नाटकीय ढंगले सरकार बाहिर हुत्तिए यि ४ दल

काठमाडौं । नेपाली कांग्रेस सरकारमा रहने आम अनुमानका बीच नाटकीय ढंगले प्रतिपक्षमा पुगेको छ । नयाँ समीकरणपछि कांग्रेससहित यसअघिको सत्ता गठबन्धनमै रहेको नेकपा एकीकृत समाजवादी र राष्ट्रिय जनमोर्चा  सरकार बाहिर हुने भएका छन् ।

यस्तै लोकतान्त्रिक समाजवादी पार्टी (लोसपा) पनि  सरकार बाहिर रहने भएको छ ।  आमनिर्वाचनमा पहिलो शक्ति बने पनि नेपाली कांग्रेसले अन्य दलहरूसँग सहमति जुटाउन नसक्दा प्रतिपक्षमा बस्न बाध्य भएको हो ।

यस्तै नेपाल मजदुर किसान पार्टी भने सदाबाहर प्रतिपक्षीको रुपमा रहँदै आएको छ । नेकपा एमालेसहितको दलमा माओवादी केन्द्रका अध्यक्ष प्रचण्ड प्रधानमन्त्री बनेसँगै यसअघिको कांग्रेस नेतृत्वको गठबन्धन विघटन भएर नयाँ समीकरण बनेको हो।