एमाले अध्यक्ष ओलीको स्वास्थ्यमा सुधार, आजदेखि चुनावी कार्यक्रममा सक्रिय हुने

काठमाडौं । एमाले अध्यक्ष केपी शर्मा ओलीको स्वास्थ्यमा सुधार भएको छ । ओलीले सामाजिक सञ्जलामार्फत आफू बुधबार गृहजिल्ला झापाको कार्यक्रममा सहभागी हुने जानकारी दिएका छन् ।

‘दमकबाट शुभप्रभात, नमस्कार !  आज बिहान ११ बजे धुलाबारीमा झापा क्षेत्र नं १ को र २ बजे दमकमा क्षेत्र न ५ को कार्यक्रममा हुनेछु ।’ यसअघि मंगलबार दिउँसो झापा पुगेका ओलीको स्वास्थ्यमा समस्या देखिएपछि दमकस्थित निवासमै आरामरत थिए । 

 उनलाई ज्वरो आएको र औषधि खाएर घरमै आराम गरेको एमाले पोलिटब्युरो सदस्य देवेन्द्र दाहालले बताए । ओली तीनदिने चुनावी प्रचार अभियानका क्रममा सहभागी हुन पुगेका हुन् ।