भारतको बक्स अफिसमा कस्तो प्रदर्शन गर्दैछ 'प्रेम गीत–३', अहिले सम्मका कति कमायो ?

काठमाडौं । नेपालमा निर्माण भएर भारतीय भाषामा डब गरिएको चलचित्र प्रेम गीत ३ ले भारतमा राम्रो व्यापार गरिरहेको छ ।

गत सेप्टेम्बर २३ मा रिलिज गरिएको यो फिल्म भारतका ३ सय बढी स्क्रिन तथा नेपालमा २ सय बढी स्क्रिन पाएको थियो । चलचित्रले भारतमा पहिलो दिनमा नै ९२ लाख भारु कमाएको थियो । 

दोस्रो दिनमा ८० लाख भारतीय रुपैयाँ कमाएको चलचित्रले तेस्रो दिन ९५ लाख भारु कमाएको थियो । चलचित्रले चौथो दिनमा ४५ लाख भारु कमाएको थियो भने पाँचौँ दिनमा आम्दानी घटेर ३५ लाख भारु पुगेको थियो । 

चलचित्रले भारतमा करिब ३।४७ करोड भारु कमाएको भारतीय सञ्चार माध्यमहरूले जानकारी दिएका छन् । चलचित्रका निर्माताहरुले पहिलो सप्ताहको अन्त्यमा चलचित्रले विश्वभरबाट ११ करोड भारु कमाएको चलचित्रले यो हप्ता १५ करोड भारु कमाउने अपेक्षा गरेको पनि भारतीय सञ्चारमाध्यमको भनाइ छ ।