‘जुनसुकै ओहोदाका व्यक्ति भए पनि प्रहरीले स्वतन्त्र र निष्पक्ष रुपमा अनुसन्धान गर्छ’

काठमाडौं । जिल्ला प्रहरी परिसर, काठमाडौंका प्रमुख प्रहरी वरिष्ठ उपरीक्षक (एसएसपी) भरतबहादुर बोहोराले प्रहरीले कुनै पनि कसूरमा उजुरी आउँदा गम्भीर भएर अनुसन्धान गरिने बताएका छन् । उनले पीडक भनिएका व्यक्तिको पृष्ठभूमि ख्याल नगर्ने बताएका छन् ।

जुनसुकै ओहोदाका व्यक्ति भए पनि स्वतन्त्र र निष्पक्षरुपमा प्रहरीले अनुसन्धान गर्ने उनी बताउछन् ।  राष्ट्रिय क्रिक्रेट टिमका कप्तान सन्दीप लामिछानेविरुद्ध मंगलबार जबरजस्ती करणीको कसूरमा किटानी जाहेरी परेको छ । यही सन्दर्भमा कुरा गर्दै एसएसपी बोहोराले भने, ‘बलात्कारको मुद्दामा प्रहरी त्यसै पनि संवेदनशील छ, अनुसन्धानमा कुनै पनि कसर बाँकी राखिन्न ।’

पीडितको बयान र जाहेरी दर्खास्तको आधारमा विस्तृत अनुसन्धान हुने बताउदैं उनले पीडितको विस्तृत स्वास्थ्य परीक्षणसमेत भइसकेको र अब घटनास्थलको कागज गराएर थप प्रक्रिया अघि बढ्ने बताए ।