पौडी खेल्ने क्रममा मेची नदीमा डुबेर एक युवकको मृत्यु

काठमाडौं । झापामा पौडी खेल्ने क्रममा मेची नदीले बगाएर एक युवकको मृत्यु भएको छ । 

सोमबार अपराह्न ४ः४० बजेतिर भद्रपुर ४ नर्सीङ बगान छेउ मेची नदीमा पौडी खेल्ने क्रममा भद्रपुर ३ रंगिला चोक बस्ने १८ वर्षीय सामुएल भुजेललाई नदीले बगाएको थियो ।

भुजेलको आज बिहान पौने नौ बजे प्रहरीले शव भेटेको हो । भुजेलको शव बगाएको स्थानदेखि करिब सात किमि तर भद्रपुर ३ स्थित मेची किनारमा भेटिएको जिल्ला प्रहरी कार्यालय झापाका प्रवक्ता प्रनाउ बसन्त पाठकले जानकारी दिए ।