हर्क साम्पाङलाई शुभचिन्तकले दिए ६० हजारको साइकल उपहार

धरान । धरान उपमहानगरपालिकाका मेयर हर्क साम्पाङलाई एक शुभचिन्तकले साइकल उपहार दिएका छन् । 

दुई दिनअघि आफूलाई शुभचिन्तकले ६० हजार मूल्य पर्ने साइकल उपहार दिएको साम्पाङले आज सामाजिक सञ्जालमार्फत जानकारी दिएका छन् । 

उनले अब छोटो दूरीको यात्र गर्दा साइकल चढ्ने बताएका छन् । साम्पाङका अनुसार स्कटल्यान्डमा बसोबास गर्ने एक समर्थकले उनलाई साइकल उपहार दिएका हुन् । 

उनले पर्यटन प्रवर्द्धनका लागि अब साइकल प्रतियोगिता आयोजना गर्ने मनसाय बनाएको पनि उल्लेख गरेका छन् ।