कांग्रेस कार्यसम्पादन समितिको बैठक बस्दै, शेखरले पनि बोलाए बैठक

काठमाडौं । नेपाली कांग्रेसका सभापति शेरबहादुर देउवाले केन्द्रीय कार्यसम्पादन समितिको बैठक बोलाएका छन् ।

शनिबार बिहान ९ बजे पार्टी केन्द्रीय कार्यालय सानेपामा बस्नेगरी बैठक बोलाइएको महामन्त्री गगन थापाले जानकारी दिए । बैठकमा आगामी निर्वाचन तयारी, निर्वाचन प्रयोजनका लागि दल दर्ता, संगठन सुदृढीकरण अभियान, जनप्रतिनिधिको भेलालगायतका विषयमा छलफल हुने छ । 

यसैबीच सभापति देउवा पार्टीमा आफूखुसी अघि बढेको भन्दै नेता शेखर कोइरालाले आफू निकटको बैठक पनि बोलाएका छन् । बैठक शनिबार दिउँसो बस्ने एक नेताले बताए ।