दाङ । नेकपा (माओवादी केन्द्र)का स्थायी समिति सदस्य जनार्दन शर्मा (प्रभाकर)ले पार्टी पदाधिकारीमा कुनै विवाद नभएको बताएका छन् । माओवादी केन्द्र लमही नगर कमिटीले आयोजना गरेको भेटघाट कार्यक्रममा उनले महासचिवको विषयमा विवादका कारण पदाधिकारी टुङ्गो लाग्न नसकेको भन्नु निराधार भएको बताए ।
उनले भने, ‘अझ अनन्त र मेरो नाम जोडेर विवाद छ भन्ने कसैलाई लाग्या छ भने त्यो पटक्कै होइन, त्यो दिमागबाट निकाली हाल्नुस् ।’ शर्माले पदाधिकारी टुङ्गो लगाउनको लागि आफू र वर्षमान पुन अनन्तले पार्टी अध्यक्ष प्रचण्डलाई आग्रह गरेको भन्दै अध्यक्षले दिएको जिम्मेवारीमा आफूहरुको सहमति हुने कुरा बताएको उल्लेख गरे ।
अर्को प्रशंगमा शर्माले समाजवादमा विश्वास गर्नेहरुको प्रगतिशील दलहरूको एकता गरी बैकल्पिक शक्ति निर्माण हुने दावी गरे । समाजवादी केन्द्र निर्माण गर्ने विषयमा बाबुराम भट्टराई, माधव नेपाल, वामदेव गौतमलगायत अन्य वामपन्थी शक्तिहरूको बीचमा छलफल चलेपनि, टुङ्गोमा नपुगिएको उनले बताए ।
प्रतिक्रिया दिनुहोस
सफल खबर संवाददाता
मंगलबार, १० साउन २०७९, २१ : ३१
लेखकबाट थप
सम्बन्धित समाचारहरु
कर्णालीको मुख्यमन्त्री माओवादीले नै लिनुपर्छ : जनार्दन शर्मा
संस्थागत हितको पक्षमा पार्टीमा विषय उठान गरेको हुँ : जनार्दन शर्मा
कर्णालीको विकास गरेमात्रै देशको विकास सम्भव : जनार्दन शर्मा
विद्युत् लाइन काट्ने निर्णयबारे बहस चल्नु दुर्भाग्य : जनार्दन शर्मा
एनसेलले लुटको खेती गरिरहेको छ : जनार्दन शर्मा
सानीभेरी किनारामा ओलीलाई जनार्दन शर्माको स्वागत