कस्तो रहला आजको मौसम ?

काठमाडौं । हाल मनसुनको न्यून चापीय रेखा  सरदर स्थान भन्दा केही दक्षिणतिर अवस्थित रहेको छ। जल तथा मौसम पूर्वानुमान महाशकाखाका अनुसार आइतबार बिहान लुम्बिनी प्रदेश, गण्डकी प्रदेश र प्रदेश १ का केही भूभागमा सामान्यदेखि पूर्ण बदली रही मेघगर्जनसहित वर्षा भइरहेको छ। अन्य भूभागमा आंशिक देखि सामान्य बदली रहेको छ।

यस्तै दिउँसो देशभर आंशिकदेखि सामान्य बदली रहनेछ भने केही स्थानहरूमा मेघ गर्जनसहित हल्कादेखि मध्यम वर्षाको सम्भावना रहेको छ ।

यस्तै रातिदेशको केही स्थानहरूमा मेघ गर्जन र चट्याङ्गसहित वर्षाको सम्भावना रहेको छ  । प्रदेश १ को एक दुई स्थानमा भारी वर्षाको सम्भावना रहेको पनि महाशाखाले जनाएको छ ।