नुवाकोटमा टिपर दुर्घटना हुँदा एकजनाको मृत्यु

सफल खबर संवाददाता

आइतबार, ०१ साउन २०७९, ०९ : ३०
नुवाकोटमा टिपर दुर्घटना हुँदा एकजनाको मृत्यु

काठमाडौं । नुवाकोटमा टिपर दुर्घटना हुँदा एकजनाको मृत्यु भएको छ । पाँचजना घाइते भएका छन् ।

ककनी गाँउपालिका १ महालक्ष्मीस्थानस्थित भित्री सडकखण्डमा गएराति टिपर दुर्घटना हुँदा त्यसमा सवार ककनी गाँउपालिका १ की अन्दाजी ३२ वर्षीया वसन्ती बलामीको मृत्यु भएको हो । बलामीको घटनास्थलमै मृत्यु भएको हो । 

दुर्घटनामा घाइते भएका सबैलाई उपचारको लागि काठमाडौं ल्याइएको छ । घाइतेमध्ये टिपरमा सवार ककनी गाँउपालिका १ का अन्दाजी ३० वर्षीय विष्णु बलामीको अवस्था गम्भीर रहेको छ । 

महालक्ष्मीस्थाबाट तरकारी लिएर काठमाडौं आउदै गरेको बा ४ ख ३७२८ नम्बरको टिपर गएराति पौने ३ बजे सडकबाट अन्दाजी २० मिटर तल खसेको थियो । चालक फरार रहेकाले खोजी भइरहेको प्रहरी चौकी ओखरपौवा नुवाकोटले जनाएको छ ।