प्रचण्डद्वारा आवेको निधनप्रति दुःख व्यक्त

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले जापानका पूर्व प्रधानमन्त्री शिन्जो आवेको निधनप्रति दुःख व्यक्त गरेका छन् । सामाजिक सञ्जालमार्फत अध्यक्ष प्रचण्डले आवेको निधनप्रति दुःख व्यक्त गरेका हुन् ।

उनले आवे अर्थशास्त्र र सुरक्षा क्षेत्रको रूपान्तरणमा  एसियाली महादेशका प्रेरणादायी नेता भएको बताएका छन् । उनले अवे आफ्नो र नेपालको निकै नजिकको साथी रहेको उल्लेख गरेका छन् । उनले आवेप्रति श्रद्धाञ्जली दिँदै परिवार तथा जापानी जनतामा गहिरो समवेदना व्यक्त गरेका छन् ।