माओवादी केन्द्रीय कार्यालयको विस्तारित बैठक खुमलटारमा जारी

सफल खबर संवाददाता

मंगलबार, २१ असार २०७९, ११ : ४८
माओवादी केन्द्रीय कार्यालयको विस्तारित बैठक खुमलटारमा जारी

काठमाडौँ । दुई दिनदेखि जारी केन्द्रीय समितिको बैठक स्थगन गरेको नेकपा माओवादी केन्द्रको केन्द्रीय कार्यालयको विस्तारित बैठक बसेको छ । 

माओवादी केन्द्रका अध्यक्ष पुष्पकमल दाहाल प्रचण्ड निवास खुमलटारमा पूर्व स्थायी र प्रदेश इन्चार्जसहितको जारी विस्तारित बैठकमा पदाधिकारी चयन, पोलिटब्युरो र स्थायी समितिको चयन र कार्यविभाजनलगायतबारे छलफल भैरहेको छ । 

माओवादीकाे आठौं महाधिवेशनले पारित गरेको विधानमा पदाधिकारीमा अध्यक्ष, वरिष्ठ उपाध्यक्ष, उपाध्यक्ष, महासचिव, उपमहासचिव, सचिव र कोषाध्यक्ष रहने व्यवस्था गरेको छ । तर, हालसम्म अध्यक्षबाहेकका अन्य पदाधिकारी चयन हुन सकेका छैनन्। जारी बैठकमा पार्टीका प्रदेश इन्चार्ज तथा अध्यक्षहरुले पदाधिकारी टुंगो लगाउन माग गरिरहेका छन् । 

प्रतिक्रिया दिनुहोस