खोटाङ । पहिरोका कारण खोटाङको दिक्तेल रुपाकोट मझुवागढी नगरपालिका १२ जालपाका ६ घर विस्थापित भएका छन्।
शुक्रबार राति परेको भारी वर्षाका कारण गाउँ चिराचिरा पर्दा साविकको जालपा ८ सावालुङका जीतबहादुर राई, भीमबादुर राई, कर्णबहादुर राई, रामीरा राई र शारदा राईको परिवार विस्थापित भएका हुन्। यस्तै, पहिरोका कारण साविकको जालपा(३ का धनकुमार विश्वकर्माको परिवार पनि विस्थापित भएका छन्।
धँजा फाटेर पहिरो गएर बगाउने खतरा भएपछि विस्थापितलाई हुर्लुङ (जालपा–फेदी सडक) छेउमा खेतमा प्लाष्टिक टनेल टाँगेर अस्थायी बसोबासको व्यवस्था मिलाइएको वडाध्यक्ष दानबहादुर राईले बताए। वडा कार्यालय र टोल विकास संस्था सावालुङको पहलमा विस्थापितलाई शनिबारदेखि अस्थायी बसोबासको व्यवस्था मिलाइएको हो। विस्थापितमध्ये एकल महिला रामीरा र अभिभावकविहीन शारदाको अवस्था नाजुक छ।
घटनाका विषयमा जानकारी आएपछि प्रहरीलाई मुचुल्का उठाउन लगाइएको उपमेयर बिसन राईले बताए। विस्थापितको उद्धार तथा राहतका लागि पहल गरिने उनले बताए।
प्रतिक्रिया दिनुहोस
सफल खबर संवाददाता
सोमबार, २० असार २०७९, १० : ४९
लेखकबाट थप
सम्बन्धित समाचारहरु
पहिरोमा पुरिएर एकै परिवारका तीनजनाको मृत्यु
बाढी, पहिरो लगायतका विपद्मा परी हालसम्म १३० जनाको मृत्यु
सिमलताल पहिरो अपडेटः २५ शव भेटिए, १७ जनाको सनाखत
बाढी, पहिरो अपडेट: अहिलेसम्म १२४ जनाको मृत्यु
भूकम्प पीडितको अस्थायी टहरामाथि पहिरो खस्दा चार जना घाइते
बाढी, पहिरो लगायतका विपद्मा परी हालसम्म १२० जनाको मृत्यु