काठमाडौं । नेत्र विक्रम चन्द (विप्लव) नेतृत्वको नेकपाका चारजनाले पार्टी छाडेका छन्। पार्टी छाड्नेमा ओमप्रकाश पुन, शंकर बहादुर खड्का, दलबहादुर धामी र रमेश परियार रहेका छन् । उनीहरुले विहीबार एक विज्ञप्ति जारी गर्दै पार्टीबाट राजीनामा दिएको बताएका हुन् ।
पुन पोलिटब्युरो सदस्य तथा सेती महाकाली इन्चार्ज हुन्। यस्तै खड्का सेती ब्युरो इन्चार्ज छन्। धामी महाकाली इन्चार्ज थिए भने परियार दार्चुला र कञ्चनपुर इन्चार्ज हुन्। चारजनाले टुटफुट र विभाजनबाट नभई एकताबद्ध र एकीकृत कम्युनिष्ट पार्टी निर्माणको दिशामा अघि बढ्न आह्वान गरेका छन्।
अहिलेसम्म कुन पार्टीमा जाने भन्ने उनीहरुले खुलाएका छैनन्। नेकपा माओवादी केन्द्रका अध्यक्ष प्रचण्डले पुराना माओवादी एकै ठाउँ हुने दिन आएको बताएको केही दिनपछि विप्लवबाट केही नेताले राजीनामा दिएको चर्चा छ ।
त्यस्तै, गत बैशाखमा नेकपाकै धर्मेन्द्र बाँस्तोलाले विप्लवलगायतका नेतालाई कारबाही गरेर नेकपा (बहुमत) गठन गरेका थिए । नेकपा महासचिव नेत्रविक्रम चन्द समूह संसदवादमा फस्न लागेको भन्दै बास्तोलाले आफ्नै संयोजकत्वमा २६ वैशाख २०७९ मा नेकपा बहुमत गठन गरेका थिए।
प्रतिक्रिया दिनुहोस
सफल खबर संवाददाता
विहीबार, ०९ असार २०७९, ११ : १४
लेखकबाट थप
सम्बन्धित समाचारहरु
‘विप्लव’ले बोलाए समाजवादी मोर्चाको बैठक
विप्लवको नेतृत्वमा रोपाइँ महोत्सव
जनयुद्धका क्रममा राज्यबाट पीडित भएका जनताले पनि क्षतिपूर्ति पाउनुपर्छ : विप्लव
‘नेताहरुले श्रम गर्न छोडे, चन्दाको पछि दौडे’ : विप्लव
जनकम्युन अवलोकनका लागि विप्लव चितवनमा
माधव नेपाल र नेकपा महासचिव विप्लवबीच भेट