काठमाडौं । बागमती प्रदेश सरकारले आगामी आर्थिक वर्ष २०७९/०८० को लागि ल्याएको बजेटमाथि प्रमुख प्रतिपक्ष दल नेकपा एमालेसहित प्रतिपक्ष दलहरुले आपत्ति व्यक्त गरेका छन् । बिहीबार बसेको प्रदेशसभा बैठकमा सरकारको आगामी वर्षको बजेटमाथिको सामान्य छलफलमा प्रतिपक्ष दल एमालेसहित नेमकिपा र विवेकशील साझा पार्टीका सांसदहरुले आपत्ति व्यक्त गरेका हुन् ।
उनीहरुले सरकारको बजेट जनताप्रति उत्तरदायी नभएको बताएका थिए । संसदमा बजेटमाथिको छलफलमा भाग लिँदै एमालेका सांसद रामेश्वर पु्mयाँल, सीता लामा, सरेश नेपाल, दिपक निरौला, कैलाश प्रसाद ढुंगेलले सरकारले प्रदेशलाई घात गर्ने काम भइरहेको बताए । उनीहरुले प्रदेशको हितका लागि सरकारले काम गर्न नसकेको र बजेटले जनतालाई घात गरेको बताएका हुन् । सरकाले कार्यकर्ता पोस्ने र चुनावमुखि बजेट ल्याएको भन्दै उनीहरुले बजेटप्रति असन्तुष्टि व्यक्त गरे ।
सरकारले महगिले आक्रान्त भएका जनताको मागलाई सम्बोधन गर्न सकेन उनीहरुको भनाइ छ । एमालेका सांसदहरुले बजेट निर्वाचनमुखि भएकाले कार्यान्वयन हुन नसक्ने र सरकारले दीर्घकालिन योजना र विगतको सरकारले ल्याएका गौरवका आयोजनाहरुलाई समेट्न नसकेको बताए । उता प्रतिपक्ष दल राप्रपाका सांसद् रिना गुरुङ, रिता माझिले सरकारले बजेटमा सीमान्तकृत समुदायका नागरिकको माग सम्बोधन गर्न नसकेको बताए । उनीहरुले बजेटमा ती समुदायको नाम समावेश गरेपनि बारम्बार झुक्याउने काम गरेको आरोप लगाए ।
त्यस्तै बजेटमाथिको छलफलमा भाग लिँदै विवेकशील साझा पार्टी रमेश पौड्याल र विराजभक्त श्रेष्ठ योजना छनौट र बजेट विनियोजनको प्रक्रिया बदल्नु पर्छ । विगतको रवैया अनुसार बजेट आएको बताए । यसले सरकारको पूँजीगत खर्च प्रयाप्त हुन नसक्ने बताए । बजेट खर्च गर्न नसक्नुको सबै दोष कर्मचारी अभाव भनेर दिन नमिल्ने उनीहरुको भनाइ छ । त्यस्तै उनीहरुले बजेटले प्राकृतिक विपत्तिलाई न्युनिकरण गर्न सक्नु पर्ने र त्यसका लागि प्रकृतिको स्रोतको दोहन रोक्नेतर्फ ध्यान दिन जरुरी रहेको बताए । नेपालको कर प्रणालीलाई नागरिक मैत्री बनाउन उनीहरुले माग गरे । नेपालले अब चक्रिय अर्थतन्त्रको नीति अनुसार हरित अर्थतन्त्रलाई विस्तृत बनाएर दिगो विकासका लक्ष्यलाई भेट्ने गरी कार्यक्रमहरु कार्यान्वयन गर्न उनीहरुको सुझाव थियो ।
त्यसै गरी प्रदेश सरकारको बजेटलाई सत्तारुढ गठबन्धनका सांसदहरुले स्वागत गरेका छन् । उनीहरुले बजेटले समग्र प्रदेशको विकासमा महत्वपूर्ण भूमिका खेल्न सक्ने विश्वास व्यक्त गर्दै प्रशंसा गरे । सत्तारुढ गठबन्धनमा आवद्ध दल नेपाली काँग्रेसका सांसदहरु नरोत्तम वैद्य, गिता वाग्ले, गिता वाग्ले, विजुला वर्मा, राजेन्द्र गुरुङ, जिवन डंगोल बजेटले जे गर्न सक्ने हो त्यसलाई मात्र समेटेको बताए । बजेटले महत्वाकांक्षी योजनाहरु नल्याएको बताए । उनीहरुले बजेट जनताप्रति उत्तरदायी रहेको भन्दै समग्र प्रदेशको विकासमा बजेट फलदायी हुने विश्वास व्यक्त गरे ।
यता गठबन्धनको अर्को दल नेकपा माओवादी केन्द्रका सांसदहरु सीता अधिकारी, युवराज दुलाल, जगत बहादुर सिंखडा, हिरानाथ खतिवडा, भावना सुवेदी, रामलाल महत्तो बजेट वैज्ञानिक भएको बताए । उनीहरुले प्रदेश सरकारले ल्याएको आगामी आर्थिक वर्षको बजेटमा समाजवाद उन्मुख अर्थतन्त्रलाई विकास गर्ने योजनाहरु समेटिएको बताए । उनीहरुले बजेट कार्यान्वयनमा प्रतिवद्ध भएर उत्पादनमुखि आयात प्रतिस्थापनमा विनियोजित बजेटलाई सफल बनाउन सुझाव व्यक्त गरे । बजेटमा रोजगारीका अवसरहरू सृजना गरी आर्थिक स्तर सुदृढ बनाउने लक्ष्य लिइएकाले सरकार त्यसमा सफल हुने उनीहरुले बताए ।
प्रतिक्रिया दिनुहोस
सफल खबर संवाददाता
विहीबार, ०२ असार २०७९, १९ : ०१
लेखकबाट थप
सम्बन्धित समाचारहरु
वाग्मतीमा सरकार विस्तार, पर्यटन मन्त्री बज्राचार्यले लिए शपथ
बागमती प्रदेशका सबै जिल्लामा माओवादीले तोक्यो नयाँ इन्चार्ज
बागमती सरकारले गुणस्तर परीक्षण प्रयोगशाला निर्माण गर्दै
बागमतीका किशोरीहरूलाई एचपीभी भाइरसविरुद्धको दोस्रो मात्रा खोप दिइँदै
माओवादी बागमती प्रदेश संसदीय दलको बैठक सुरु
उच्च जीवनस्तरका ३८ प्रतिशत जनसङ्ख्या बागमती प्रदेशमा बस्दै