काठमाडौँ । अमेरिकी अन्तरिक्ष संस्था राष्ट्रिय वैमानिक तथा अन्तरिक्ष प्रशासन (नासा) ले चन्द्रमामा स्थायी मानव बसोबास स्थापना गर्ने दीर्घकालीन योजनाअन्तर्गत नयाँ चरण अघि बढाएको छ।
अन्तर्राष्ट्रिय सञ्चारमाध्यम बीबीसीका अनुसार चन्द्रमालाई केवल अवतरण स्थल नभई दीर्घकालीन अनुसन्धान तथा बसोबास केन्द्रका रूपमा विकास गर्ने तयारी तीव्र बनाइएको हो।
नासाको योजना अनुसार आगामी दशकभित्र चन्द्रमामा स्थायी अनुसन्धान केन्द्र, ऊर्जा उत्पादन प्रणाली तथा मानव बसोबासका लागि आवश्यक पूर्वाधार विस्तार गरिनेछ। यसले भविष्यमा अन्तरिक्षमा निरन्तर मानव उपस्थिति कायम गर्ने आधार तयार पार्ने अपेक्षा गरिएको छ।
यो सम्पूर्ण कार्यक्रम “आर्टेमिस कार्यक्रम” अन्तर्गत अघि बढाइएको हो। यस कार्यक्रमको मुख्य उद्देश्य मानिसलाई पुनः चन्द्रमामा उतार्नु मात्र नभई त्यहाँ दीर्घकालीन रूपमा बस्न सक्ने वातावरण निर्माण गर्नु रहेको छ।
_20260520092820.jpeg)
प्रतिक्रिया दिनुहोस
सफल खबर संवाददाता
बुधबार, १३ जेठ २०८३, १३ : १२
लेखकबाट थप
सम्बन्धित समाचारहरु
५० वर्षपछि अन्तरिक्ष यात्रीलाई ‘चन्द्रमा मिसन’मा पठाउँदै नासा