नेपाल र ईजरायल सम्बन्ध ६२ वर्षमा प्रवेश

काठमाडौं । नेपाल ईजरायल सम्बन्ध ६२ वर्षमा प्रवेश गरेको छ। ईजरायली दूतावासले सुन्दरीजलस्थित बीपी संग्रहालयमा कार्यक्रम गरी दुई देशबीचको सम्बन्ध थप प्रगाढ बनाउने प्रतिवद्धता प्रकट गरेको छ ।

वि .स २०१५ सालमा बनेको बीपी कोइराला नेतृत्वको सरकारले इजरायललाई स्वतन्त्र देशका रुपमा मान्यता दिने निर्णय गरेसँगै दुई देशबीचको निकटता बढेको हो ।

नेपालस्थित इजरेली दूताबासले गरेको कार्यक्रममा सूचना तथा प्रविधिमन्त्री ज्ञानेन्द्रबहादुर कार्कीले इजरायलले रोजगारीको अवसर दिएर गुन लगाएको बताए । उनले दुई देशको सम्बन्ध प्रगाढ बन्ने विश्वास व्यक्त गरे ।

इजरायली राजदुत हानन् गोडरले नेपाल र इजरायल बीचको सम्बन्ध जोगाउन जस्तोसुकै चुनौती मोल्न तयार रहेको बताए । राजदुत गोडारले नेपालमा लोकतन्त्रको स्थापना हुनुमा तत्कालीन प्रधानमन्त्री बीपी कोइरालाको महत्वपुर्ण योगदान रहेको जिकिर गरे ।

सो अवसरमा दुई देशबीचको औद्योगिक, कृषि ,प्राविधिक तथा आर्थिक पक्षको बारेमा अन्तरक्रिया गरिएको थियो ।