चीनको दक्षिणी क्षेत्रमा भीषण बाढी, १५ जनाको मृत्यु

काठमाडौं । चीनको दक्षिणी क्षेत्रमा आएको भीषण बाढीको कारण १५ जनाको मृत्यु भएको छ भने ३ जना बेपत्ता भएका छन् ।

चीनको पूर्वी तट नजिकै रहेको फुजियान प्रान्तमा बाढीको कारण दुई वटा भवन भत्किँदा आठ जनाको मृत्यु भएको समाचार एजेन्सी सिन्ह्वाले वुपिङ काउन्टी सूचना कार्यालयलाई उद्धृत गर्दै जनाएको छ ।

यसै गरी दक्षिण पश्चिमी चीनको करिब १२०० किलोमिटर टाढा रहेको युनान प्रान्तमा पनि बाढीका कारण अन्य पाँच जनाको मृत्यु भएको र तीन जना बेपत्ता भएको चीनको राष्ट्रिय समाचार माध्यम सिसीटीभीले जनाएको छ । मृत्यु हुने मध्य तीन जना बालबालिका रहेका छन् ।

चीनका सञ्चार माध्यमहरूले जानकारी गराए अनुसार बिहीबार साँझदेखि परेको भीषण पानी र तत्पस्चातको बाढीले उक्त घटना घटेको हो ।पछिल्लो प्राप्त जानकारी अनुसार बाढीको कारण ३९ वटा घरहरूमा पूर्ण रूपमा क्षति पुगेको छ भने १६ सय मानिसहरू विस्थापित भएका छन् ।