भरतपुर महानगर : ४६ हजार १२३ मत गणना, रेनु दाहाल २० हजार ४९२, विजय सुवेदी १७ हजार १८२

चितवन । भरतपुर महानगरपालिका प्रमुख पदमा सत्तारुढ गठबन्धनकी उम्मेदवार रेनु दाहालले अग्रता कायमै राखेकी छन् । पछिल्लो मत परिणाम अनुसार उनले २० हजार १२३ मत पाएकी छन् ।

उनी ३ हजार ३१० मतले अग्रस्थानमा छिन् । मतगणनाको शुरुवाती निकै प्रतिष्पर्धा देखिएपनि अहिले दाहालले फराकिलो मतान्तर बनाउन सफल भएकी छिन् ।

यस्तै, नेकपा एमालेका उम्मेदवार विजय सुवेदीले १७ हजार १८२ मत पाएका छन् । अर्का  प्रमुख पदका स्वतन्त्र उम्मेदवार जगन्नाथ पौडेलले ७ हजार ८८२ मत पाएका छन् ।

उपप्रमुख पदमा भने नेपाली काँग्रेसका चित्रसेन अधिकारी २२ हजार ९५२ मतका साथ अग्रस्थानमा छन् । अर्का प्रतिष्पर्धी राप्रपाकी हिमला गुरुङले १३ हजार ६४६ मत पाएकी छन् । 

महानगरको वडा नम्बर ११ को जारी मतगणनामा एमालेका उम्मेदवारले अग्रता कायम गरेका छन् । उनले २ हजार ४९७ मत प्राप्त गर्दा निकटतम प्रतिष्पर्धी माओवादीका उम्मेदवारले १ हजार ९३१ मत प्राप्त गरेका छन् ।