भरतपुर महानगरमा रेनु दाहाललाई ३ हजार ३५६ मतले अग्रता

चितवन । भरतपुर महानगरपालिका प्रमुख पदमा सत्तारुढ गठबन्धनकी उम्मेदवार रेनु दाहालले अग्रता कायमै राखेकी छन् । पछिल्लो मत परिणाम अनुसार उनले १९ हजार ९२४ मत पाएकी छन् । उनी ३ हजार ३५६ मतले अग्रस्थानमा छिन् ।

मतगणनाको शुरुवाती निकै प्रतिष्पर्धा देखिएपनि अहिले दाहालले फराकिलो मतान्तर बनाउन सफल भएकी छिन् ।यस्तै, नेकपा एमालेका उम्मेदवार विजय सुवेदीले १६ हजार ५६८ मत पाएका छन् । अर्का  प्रमुख पदका स्वतन्त्र उम्मेदवार जगन्नाथ पौडेलले ७ हजार ७५३ मत पाएका छन् ।

उपप्रमुख पदमा भने नेपाली काँग्रेसका चित्रसेन अधिकारी २२ हजार ४०३ मतका साथ अग्रस्थानमा छन् । अर्का प्रतिष्पर्धी राप्रपाकी हिमला गुरुङले १३ हजार १६३ मत पाएकी छन् । 

महानगरको वडा नम्बर ११ को जारी मतगणनामा एमालेका उम्मेदवारले अग्रता कायम गरेका छन् । उनले २ हजार १६१ मत प्राप्त गर्दा निकटतम प्रतिष्पर्धी माओवादीका उम्मेदवारले १ हजार ६५४ मत प्राप्त गरेका छन् ।