इलाम । पहिलो स्थानीय तहको निर्वाचनमा क्लिन स्वीप भएको इलामको सन्दकपुर गाउँपालिकामा नेपाली कांग्रेसको पुनरोदय भएको छ । सन्दकपुर गाउँपालिकाको अध्यक्षमा गठबन्धनको तर्फबाट उम्मेदवार बनेका नेपाली कांग्रेसका तुला गुरुङ निर्वाचित भएपछि कांग्रेसको पुनरोदय भएको हो ।
उनले नेकपा एमालेका उदय राईलाई पराजित गरे । निवर्तमान अध्यक्षसमेत रहेका राईले तीन हजार २५८ मत पाउँदा गठबन्धनका उम्मेदवार तुला गुरुङले चार हजार २२३ मत पाएका छन् । यसअघि राईले गाउँपालिका अध्यक्ष जित्दा एउटा वडाध्यक्षबाहेक अरु सवै जनप्रतिनिधि एमालेले जितेको थियो ।
वडा नम्बर १ मा माओवादीबाट निर्वाचित वडाध्यक्ष नन्द राई एमालेमा प्रवेश गरेका थिए । दोस्रो स्थानीय तहको निर्वाचनमा पार्टीले उनलाई टिकट नदिएपछि उनी स्वतन्त्र उम्मेदवार थिए । उनी एमालेका उम्मेदवार रहर कुमार राईसँग पराजित भएका छन् ।
उपप्रमुखमा गठबन्धनै तर्फबाट हरिबहादुर लुङ्गेली मगर निर्वाचित भएका छन् । लुङ्गेलीले तीन हजार ६२६ मत प्राप्त गर्दा नेकपा एमालेबाट उम्मेदवार भएकी तुलसादेवी सेडाईले दुई हजार ९८६ मत पाएकी छिन् । देउमाईमा दुईवटाको वडाध्यक्ष एमालेले जितेको छ ।
१ नम्बर वडामा रहर कुमार राई र ५ नम्बर वडामा यज्ञबहादुर गुरुङ, वडा नम्बर २ मा गठबन्धनको तर्फबाट एकिकृत समाजवादीका सनम राई वडाध्यक्ष निर्वाचित भएका छन् । वडा नम्बर ४ मा पनि गठबन्धनकै तर्फबाट जनता समाजवादी पार्टीका ढालबहादुर गुरुङ, वडा नम्बर २ मा नेपाली कांग्रेसका लिला बुर्जाले वडाध्यक्ष जितेका छन् ।
प्रतिक्रिया दिनुहोस
सफल खबर संवाददाता
सोमबार, ०२ जेठ २०७९, १५ : ४६
लेखकबाट थप
सम्बन्धित समाचारहरु
नेकपा एमाले चितवनको ११ औं जिल्ला अधिवेशनको लोगो सार्वजनिक
एमाले प्रतिनिधि परिषद बैठक: प्रतिवेदनमाथि सामुहिक छलफल गरिदै
एमाले महाधिवेसन प्रतिनिधि परिषद बैठक जारी रहने
नयाँ सत्ता समीकरणबारे ओलीको राजनीतिक प्रतिवेदनमा के छ ?
एमालेको प्रतिनिधि परिषद् बैठक आजदेखि, २ हजार भन्दा बढी सहभागी हुदै
एमाले प्रतिनिधि परिषद् बैठकको तयारी पुरा, २ हजार ५५४ जना सहभागी हुने