भरतपुर महानगर अपडेट : ३ मतले रेनु दाहालको अग्रता, दाहालको ३५७८, सुवेदीको ३५७५

चितवन । भरतपुर महानगरपालिकामा फेरि रेनु दाहालले अग्रता लिएकी छन् । माओवादी केन्द्रबाट मेयर पदको उम्मेदवार रहेकी उनले अर्का उम्मेदवार विजय सुवेदीले भन्दा ३ मत बढी पाएकी हुन्। 

एमालेका सुवेदीले ३५७५ मत पाउँदा दाहालले ३५७८ मत पाएकी छन् । यस्तै स्वतन्त्र उम्मेदवार  जगन्नाथ पौडेलले १३६० मत पाएका छन् । दाहाल र सुवेदी बिच तिव्र प्रतिष्पर्धा देखिएको छ । सय मत गन्दा कुनै बेला दाहालले अग्रता कायम गर्छिन् भने कुनै बेला सुवेदीले अग्रता हासिल गर्ने गरेका छन् ।  

यस्तै काँग्रेसबाट बागी स्वतन्त्र उम्मेदवार जगन्नाथ भण्डारीले १३६० मत प्राप्त गरेका छन् । उपमेयरमा सत्तारुढ गठबन्धनका तर्फबाट चित्रसेन अधिकारीले ४०४३ मत प्राप्त गर्न सफल भएका छन् भने एमाले र राप्रपा गठबन्धन उम्मेदवार हिमला गुरुङले २८१६ मत प्राप्त गरेका छन् । त्यस्तै वडाध्यक्ष तर्फ एमालेका विकास थापाले  १०७६ मत प्राप्त गरेका छन् भने काँग्रेसका भरत लामिछानेले ६९० मत प्राप्त गरेका छन् ।