चितवन : माडी नगरपालिका–९ को वडाध्यक्षमा माओवादी केन्द्रका दवाडी निर्वाचित

चितवन । चितवनको माडी नगरपालिकाको  वडा नं. ९ को वडाध्यक्षमा नेकपा (माओवादी केन्द्र) का नेता घनश्याम दवाडी निर्वाचित भएका छन् । 

आइतबार बिहान सकिएको मतगणनामा दवाडीले १०१८ मत पाउँदै वडाध्यक्षमा निर्वाचित भएका हुन् । उनी यसअघि सोही वडाको  वडा सदस्यमा थिए ।

 उनको निकटतम् प्रतिद्वन्दी नेकपा (एमाले) नेता एवं पूर्व वडाध्यक्ष शिवहरि सुवेदीले ५०८ मत पाए भने राप्रपाका उम्मेदवार कुल बहादुर दुराले ४६९ मत प्राप्त गर्न सफल भए ।

सो वडामा बाम लोकतान्त्रिक गठबन्धका सबै उम्मेदवारहरू, महिला सदस्यमा काँग्रेसकी बिना थापा, दलित सदस्यमा माओवादी केन्द्रका हरिमाया बिक र खुल्ला सदस्यमा नेपाली काँग्रेसका नारायणदत्त अधिकारी एवं मोहन सिंह स्याङतान निर्वाचित भएका छन् ।