विद्युत सर्ट हुँदा नारायणगढको मुख्य बजारमा आगलागी, आधा दर्जन पसल जलेर नष्ट

चितवन । चितवनको नारायणगढ स्थित मुख्य बजारको एक घरमा आगलागी हुँदा कराडौंको क्षति भएको छ । 

कमलनगर स्थित व्यापारिक प्रतिष्ठानहरु रहेको घरमा भीषण आगलागी भएको हो । विहान २ बजेदेखि भएको आगलागी विद्युत सर्ट भएर भएको चितवन प्रहरीले जनाएको छ ।

४ तले घरमा भएको आगलागीबाट ६ पसल जलेर नष्ट भएका छन् । भरतपुर महागरपालिका, खैरहनी नगरपालिका, कावासोती नगरपालिका र नेपाल आर्मीको दमकलले आगो नियन्त्रणमा लिएका छन् ।

पहिलो तलामा रहेका सबै पसल जलेको र दोस्रो तल रहेका पसलमा पनि क्षति भएको प्रहरीले जनाएको छ । आगलागी भएको घरमा इलेक्ट्रोनिक्स, किराना, जुत्ता लगायतका पसल थिए । आगलागी बाट करोडौंको क्षति भएपनि एकिन विवरण संकलन भइनसकेको प्रहरीले जनाएको छ ।