माइकमा विद्युतको करेन्ट प्रवाह हुँदा रौतहटमा एक महिलाको मृत्यु, ७ जना घाईते

काठमाडौं । रौतहटमा बिहे घरमा करेन्ट लागेर एक महिलाको मृत्यु भएको छ । ७ जना घाइते भएका छन् । बिहे घरमा गीत गाउने क्रममा माइकमा विद्युतको करेन्ट प्रवाह भइ लाग्दा ३० वर्षीया सम्घरिया देवीको मृत्यु भएको हो।  

दुर्गाभगवती गाउँपालिका १ स्थित शिव मन्दिर टोलका नरेश राउतको छोरीको विवाहको पूर्वसन्ध्यामा शनिवार अबेर गाउँलेह? भेला भएर नाचगान गरिरहेका थिए ।  गीत गाउने क्रममा  माइकमा एकाएक करेन्ट प्रवाह हुँदा नरेश राउतकी सम्घरिया देवीलाईसहित ८ जना महिलालाई करेन्ट लागेको थियो । 

सुकदेवचोकस्थित शिवदर्शन अस्पतालमा उपचारको क्रममा देवीको  मृत्यु भएको जिल्ला प्रहरी कार्यालय रौतहटले जनाएको छ ।घाइतेह?को स्थनीय अस्पतालमा उपचार भइरहेको छ।