तनहुँ । स्थानीय तहको निर्वाचनमा गठबन्धन गरेर जाने तनहुँका चार दलले निर्णय गरेका छन् । केन्द्रमा रहेको गठबन्धनलाई स्थानीय तहको निर्वाचनमा पनि कार्यान्वयन गर्ने निर्णय गरिएको हो ।
नेपाली काँग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवादी पार्टीका नेताहरुको सोमबार बसेको बैठकले आवश्यकता परेको खण्डमा वडास्तरसम्मै गठबन्धन गरेर जाने निर्णय गरेका छन् । निर्वाचनमा गठबन्धनका लागि दसवटै पालिकामा कार्यदल गठन गर्ने सहमति भएको काँग्रेसका सचिव लक्ष्मीभक्त खनालले जानकारी दिए ।
उनका अनुसार हरेक पालिकामा दुई÷दुईजना रहने गरी कार्यदल बनाइनेछ । उक्त कार्यदलले गठबन्धनका लागि आवश्यकताअनुसार निर्णय गर्ने सहमति भएको खनालले बताए । “केन्द्रमा गरिएको निर्णयलाई स्वागत गर्दै तनहुँमा पनि त्यसको कार्यान्वयन गर्ने सहमति भएको छ, कार्यदल गठन गरेर गठबन्धनलाई कसरी लैजाने भन्ने विषयमा छलफल हुन्छ”, उनले भने ।
बैठकमा काँग्रेसका सभापति जितप्रकाश आले, निवर्तमान सभापति वैकुण्ठ न्यौपाने, माओवादी केन्द्रका केन्द्रीय सदस्य हरि चुमान, जिल्ला अध्यक्ष राजेन्द्रकेशरी न्यौपाने, एकीकृत समाजवादीका जिल्ला अध्यक्ष शङ्करनारायण श्रेष्ठ, केन्द्रीय सदस्य चित्रबहादुर थापा, जनता समाजवादीका केन्द्रीय सदस्य शिवलाल थापा र जिल्ला अध्यक्ष कृष्ण गुरुङ सहभागी थिए ।
प्रतिक्रिया दिनुहोस
रासस
सोमबार, २१ चैत्र २०७८, १४ : ५३
लेखकबाट थप
सम्बन्धित समाचारहरु
तनहुँका २३ सामुदायिक वनमा लागेको डढेलो नियन्त्रणमा
तनहुँमा अदुवा उत्पादन बढ्यो
गाउँपालिकाको भवन उद्घाटन गर्न राष्ट्रपति पौडेल तनहुँमा
राष्ट्रपति पौडेल तनहुँमा
तनहुँमा बस दुर्घटना, ६ जना चिनियाँ पर्यटक घाइते
चितवनको ठिमुरा र तनहुँको देवघाट जोड्ने पुल निर्माण थालेको १० वर्षपछि सञ्चालनमा