सर्लाही । सर्लाहीको लालबन्दी नगरपालिकास्थित कालिञ्जोर पुल छेउमा ट्रकको ठक्करबाट मोटरसाइकल चालकको मृत्यु भएकाे छ । आइतबार पूर्वपश्चिम राजमार्गअन्तर्गत लालबन्दी नगरपालिका–१७ स्थित कालिञ्जोर पुलमा ना. २९ प २४३७ नम्बरको मोटरसाइकललाई विपरीत दिशाबाट आउँदै गरेको ना. ५ ख ८४८५ नम्वरको ट्रकले ठक्कर दिएको थियो । ट्रकको ठक्करबाट मोटरसाईकल चालक लालबन्दी नगरपालिका–२ का २५ वर्षीय चन्दु पासवानको मृत्यु ईलाका प्रहरी कार्यालय लालबन्दीले जनाएको हो ।
ट्रकको ठक्करबाट गम्भीर घाइते भएका पासवानलाई तत्काल लालबन्दीस्थित मोडेल अस्पताल पुर्याइएको थियो । लालबन्दीमा प्राथमिक उपचार पश्चात् थप उपचारका लागि जनकपुर लैजाँदै गर्दा पासवानको बाटैमा मृत्यु भएको प्रहरीले जनाएको छ । लालबन्दीमा नपाएपछि रानीगञ्जस्थित पम्पबाट मोटरसाइकलमा पेट्रोल हालेर फर्कंदै गर्दा पासवान सवार मोटरसाइकललाई ट्रकले ठक्कर दिएको हो ।
मृतक पासवानको शव परीक्षण पश्चात आफन्तको जिम्मा लगाइएको छ । दुर्घटनामा संलग्न ट्रक र त्यसका चालकलाई नियन्त्रणमा लिई अनुसन्धान सुरु गरिएको प्रहरीले जनाएको छ ।
प्रतिक्रिया दिनुहोस
सफल खबर संवाददाता
आइतबार, २० चैत्र २०७८, १७ : ०८
लेखकबाट थप
सम्बन्धित समाचारहरु
दुर्घटनाग्रस्त विमानका पाइलटको उपचार हुँदै, अवस्था 'खतरामुक्त'
दुर्घटनाग्रस्त विमानका पाइलटलाई उद्धार गरेर अस्पताल लगियो
बागमती प्रदेश : सवारी दुर्घटनामा तीन सय चार जनाको मृत्यु
पोखरामा हाइलक्स र मोटरसाइकल ठोक्किँदा एक जनाको मृत्यु
कास्कीमा सवारी दुर्घटना हुँदा एकजनाको मृत्यु
मोटरसाइकल दुर्घटनामा परेर २ जनाको मृत्यु