खेल क्षेत्रमा चितवनले फड्को मारेको छ: प्रचण्ड

चितवन । नेपाल कम्यूनिष्ट पार्टी माओवादी केन्द्रका अध्यक्ष पुष्पकमल दाहाल प्रचण्डले खेल क्षेत्रमा चितवन जिल्लाले फड्को मारेको बताएका छन । भरतपुर महानगरपालिका–२२ पटिहानीमा कभर्टहलको उद्घाटन गर्दै उनले पटिहानी खेल पे्रमी वडाको रुपमा विकास भएको बताए ।  

 कार्यक्रममा बोल्दै उनले कभर्ट हल  देशकै एक नम्बर हल हुने बताए । उनले कभर्ट हलमा राष्ट्रिय र अन्तराष्ट्रिय स्तरका खेलहरु खेल्न सकिने बताए ।आफनो क्षेत्रमा कभर्ट हल बनाएकोमा उनले  प्रदेश सरकारलाई धन्यवाद दिए ।

कभर्ट हलको लागि २ करोड निकासा भएको र उक्त बजेट केहि दिनमै आउने उनले बताए । कार्यक्रममा बोल्दै उनले चितवन जिल्लाले भौतिक पुर्वधार, सुरक्षा ,स्वास्थ्य र रोजगारीको क्षेत्रमा क्रान्तिकारी परिवर्तन ल्याउन सुरु गरेको बताए ।