काठमाडौंमा दुधको गाडीसंगै सार्वजनिक यातायातमा तोडफोड

काठमाडौं । मिलेनियम च्यालेन्ज कर्पोरेशन (एमसीसी) सम्झौता संसदबाट अनुमोदन भएको विरोधमा आव्हान गरिएको बन्दको क्रममा सुकेधारामा दूधको गाडी तोडफोड भएको छ । 

त्यस्तै चाबहिल र कलङ्कीमा ३ वटा बसमा तोडफोड भएको प्रहरीले जनाएको छ । बन्दकर्ता तोडफोडमा संलग्न भएपछि राजधानीका विभिन्न सडकमा बाक्लो सङ्ख्यामा सुरक्षाकर्मी परिचालन गरिएको छ । 

विप्लव नेतृत्वको नेपाल कम्युनिष्ट पार्टी, मोहन विक्रम सिंह नेतृत्वको नेपाल कम्युनिष्ट पार्टी (मसाल) र मोहन वैद्य ‘किरण’ नेकपा क्रान्तिकारी माओवादी लगायतले बन्दको आह्वान गरेका हुन् ।