प्रधानमन्त्री देउवालाई भेट्न बालुवाटार पुगे प्रचण्ड

सफल खबर संवाददाता

शुक्रबार, १३ फागुन २०७८, १६ : ५७
प्रधानमन्त्री देउवालाई भेट्न बालुवाटार पुगे प्रचण्ड

काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्ड प्रधानमन्त्री शेरबहादुर देउवालाई भेट्न बालुवाटार पुगेका छन । एमसीसी विवादले सत्ता गठबन्धन धरापमा परेका बेला प्रचण्ड प्रधानमन्त्री भेट्न भर्खरै बालुवाटार पुगेका हुन ।

बालुवाटार जानुअघि सिंहदरबारमा प्रचण्ड र नेकपा (एकीकृत समाजवादी) का अध्यक्ष माधवकुमार नेपालबीच भेटवार्ता भएको थियो । नेपालसँगको कुराकानी सकेर उनी त्यतैबाट बालुवाटार निस्किएका हुन ।

आज बिहान माओवादी केन्द्रको पूर्वस्थायी कमिटी सदस्यहरुको बैठकले गठबन्धन जोगाउन अन्तिम प्रयत्न गर्ने निर्णय गरेपछि नेताहरुको दौडधुप बढेको हो । एमसीसी अनुमोदनमा समर्थन जुटाउन हिजो प्रधानमन्त्री देउवाले एमाले नेताहरुसँग तारन्तार भेटघाट गरेपछि सत्ता गठबन्धन अप्ठेरोमा परेको थियो ।

प्रतिक्रिया दिनुहोस