मकवानपुर । बागमती प्रदेशका १३ वटै जिल्लाका खेलकुद विकास समिति अध्यक्षहरू पदमुक्त भएका छन् । गत बिहीबार बसेको प्रदेश सरकारको मन्त्रिपरिषद्को बैठकले प्रदेश खेलकुद विकास नियमावली संशोधन गरी जिल्ला अध्यक्षहरूको पदावधि दुई वर्ष कायम गरेसँगै उनीहरू पदमुक्त भएका हुन् ।
अघिल्लो सरकारले अव्यवस्थित रूपमा पदावधि नै कायम नगरी उनीहरूलाई नियुक्त गरेको हाल नियमावली संशोधन गरेर २ वर्ष कायम गरेसँगै उनीहरू स्वतः पद मुक्त भएको युवा तथा खेलकुद विकास मन्त्रालयले जनाएको छ ।उनीहरू तत्कालीन नेकपाको सरकार कायम रहँदा नियुक्त भएका थिए।
उनीहरूलाई गत २०७६ माघ २२ गते नियुक्त गरिएको थियो । नियमावली संशोधन भएसँगै यसअघि नियुक्त भएका अध्यक्षहरूको कार्यकाल गत माघ २२ गते सकिएको छ । हाल मन्त्रालयले नियमावली संशोधन गरेपछि भने उनीहरूले सेवा सुविधा पनि पाउने भएका छन् । सरकारले नियमावली संशोधन गर्दै उनीहरूलाई मासिक रूपमा यातायात र सञ्चार खर्च बापत २० हजारका दरले सेवा सुविधा उपलब्ध गराउने व्यवस्था गरेको हो । अघिल्लो सरकारले उक्त नियमावलीमा अध्यक्षहरूको सेवा सुविधाको व्यवस्था भने गरेको थिएन ।
नियुक्त भएका सम्पूर्ण अध्यक्षहरू एमाले र माओवादी केन्द्र निकट रहेका थिए । प्रदेश सरकार परिवर्तन भएसँगै तत्कालीन एमालेका मुख्यमन्त्री डोरमणि पौडेलले नियुक्त गरेका समिति अध्यक्षहरूलाई पदावधि कायम गर्दै वर्तमान सरकारले पदमुक्त गरेको हो । विगतमा सरकारले समितिलाई आवश्यक कानुन तथा नियमावली उपलब्ध नगराउँदा समिति अध्यक्षहरू बेरोजगार जस्तै बनेका थिए। उनीहरूले धेरै पटक आवश्यक नियमावली र अधिकार मागे पनि प्रदेश सरकारले उपलब्ध गराउन सकेको थिएन ।
बागमती सरकारले हतारमा आवश्यक ऐन, कानुन र नियमावली बिनै खेलकुद विकास समिति अध्यक्षहरू नियुक्त गरेको मन्त्रालयको भनाई छ।
प्रतिक्रिया दिनुहोस
सफल खबर संवाददाता
शनिबार, ०७ फागुन २०७८, १९ : ३२
लेखकबाट थप
सम्बन्धित समाचारहरु
यस्ता छन् बागमती मन्त्रिपरिषद् बैठकका १४ निर्णय
बागमती प्रदेशमा थपिए ६७ करोडका योजना
धुलो दूधको उत्पादन परीक्षण सुरु, मकवानपुर र चितवनबाट दैनिक ६० हजार लिटर दूध सङ्कलन
बागमतीमा एमालेका चार मन्त्रीले लिए शपथ
मुख्यमन्त्री जम्कट्टेलले पाए विश्वासको मत
बागमती सरकारमा एमाले सहभागी, थपलियाले लिए मन्त्रीको शपथ