एमालेले हारेर पनि जित्यो : सचेतक भट्टराई

काठमाडौं । नेकपा एमालेको प्रमुख सचेतक विशाल भट्टराईले राष्ट्रियसभा सदस्य निर्वाचनमा हारेर पनि जितेको टिप्पणी गरेका छन् । बुधबार भएको राष्ट्रिय सभा निर्वाचनमा चुनावी परिणामपछि उनले यस्तो टिप्पणी गरेका हुन् ।

उनले आजको परिणाम अनौठो नभइ अपेक्षित भएको प्रतिक्रिया दिए । उनले भने, ‘आजको परिणाम अनौठो होइन । अपेक्षित हो । दुइटै जितिन्थ्यो कि भन्ने थियो एउटा जितियो, एउटामा बराबर भएर हारियो ।’ उनले एमालेसँग बहुमत नभएपनि अरुको भोट पाएर जित्नु र बराबरीमा रोकिनु एमालेको लागि ठूलो र अर्थपूर्ण रहेको बताए।