युवा व्यवसायी सिग्देल राप्रपा भरतपुर महानगरको सचिवमा चयन

चितवन । युवाहरु माझ लोकप्रिय चितवनका युवा व्यवसायी सुलब सिग्देल राष्ट्रिय प्रजातन्त्र पार्टी राप्रपाको भरतपुर महानगर कमिटी सचिवमा सर्वसम्मत चयन भएका छन ।

आइतबार भरतपुरस्थित पार्टी कार्यालयमा राप्रपा केन्द्रीय सदस्य तथा बागमती प्रदेश सांसद रिना गुरुङको प्रमुख आतिथ्यतामा भएको भेलाले सिग्देललाई सचिव पदमा सर्वसम्मत चयन गरेको हो ।

सिग्देल राप्रपाको विभिन्न समितिमा रहेर काम गरिसेकाका छन् । लामो समय विदेश बसेका उनी देशमै केही गर्नुपर्छ भन्ने सोचले नेपाल आएर सैलुन ब्यवसाय सुरु गरेका हुन् ।

सिग्देलले भरतपुरको सिजी ल्याण्डमार्कमा आफ्नो व्यवसाय संचालन गर्दै आइरहेका छन । युवाहरुलाई साथमा लिएर पार्टीको गतिविधि संचालन गर्ने सचिव सिग्देलले बताए ।

उनले देशको निकास र विकास राप्रपाबाट मात्रै सम्भव भएको भन्दै पार्टीका विचार र सिद्धान्त आम जनतामा लैजाने प्रतिबद्धता जनाए । भेलाले दिपक थापाको अध्यक्षतामा नयाँ कार्यसमिति गठन गरेको हो ।