मधेस प्रदेशमा आज सार्वजनिक बिदा

काठमाडौं । मधेस प्रदेशमा मंगलबार सार्वजनिक बिदा दिइएको छ । सोमबार  प्रदेशसभाबाट जनकपुरधाममा राजधानी र नाम मधेस प्रदेश कायम भएपछि खुसीयालीमा सरकारले बिदा घोषणा गरेको हो । 

प्रदेश सरकारका प्रवक्तासमेत रहेका अर्थमन्त्री शैलेन्द्र प्रसाद साहले मंगलबार प्रदेशमा सार्वजनिक बिदा दिने निर्णय भएको जानकारी दिए। सोमबारको प्रदेश सभामा भएको मतदानमा प्रदेशको नाम मधेश प्रदेश र स्थायी राजधानी जनकपुर रहने पक्षमा बहुमत पुगेको थियो । भोटिङमा केही सांसदले फ्लोर क्रस समेत गरेका थिए ।