काठमाडौं । काठमाडौंको नयाँ बसपार्कस्थित एक होटलमा एक महिलामाथि सामूहिक बलात्कार भएको छ । बलात्कारमा संलग्न आरोपमा हालसम्म आठजना पक्राउ परेका छन् ।
महानगरीय प्रहरी परिसर काठमाडौंका एसएसपी सुदीप गिरीका अनुसार पीडित महिलाको जाहेरीका आधारमा घटनामा संलग्न ९ मध्ये ८ जनालाई पक्राउ गरिएको छ । मंगलबार दिउँसो महिला आफैं प्रहरी सम्पर्कमा आएकी थिइन् ।
महिला बोल्न नसक्ने अवस्थामा प्रहरीकोमा पुगेकी ती महिलालाई तुरुन्तै अस्पताल लगिएको थियो । उपचारपछि महिलाले घटनाक्रम बताएकी हुन् । बसपार्क आसपासका सीसीटीभी फुटेज हेरेर प्रहरीले अनुसन्धान बढाएको छ ।
सोमबार एकजनाले महिलालाई होटलमा लगेर गएको र पछि अर्का एकजनालाई फोन गरेर बोलाएको प्रहरी अनुसन्धानबाट खुलेको छ । मंगलबार ती महिलालाई अर्को होटलमा लगेर ९ जनाको समूहले सामूहिक बलात्कार गरेको प्रहरीको प्रारम्भिक अनुसन्धानमा खुलेको छ ।
प्रहरीले युवराज बडुवाल, हिक्मत नेपाली, मुगु घर भएका रतन नेपाली, सुरेश सेजुवाल, दीपक नेपाली, शिवहरि बुढा, अर्घाखाँची घर भएका गोपालकुमार श्रीस र अर्का एक जनालाई पक्राउ गरेर अनुसन्धान गरिरहेको छ । पक्राउ परेकाहरू सबैले आफू घटनामा संलग्न रहेको स्वीकार गरिसकेको प्रहरी स्रोतले जनाएको छ । अन्दाजी ३४ वर्षिया पीडित महिलाको स्वास्थ्य अवस्था अहिले सामान्य छ । उनी दुई सन्तानकी आमा समेत रहेको बताइएको छ ।
प्रतिक्रिया दिनुहोस
सफल खबर संवाददाता
बुधबार, १४ पुस २०७८, ११ : ०४
लेखकबाट थप
सम्बन्धित समाचारहरु
प्रेमीसँग भ्यालेन्टाइन डे मनाउन गएकी बालिकामाथि सामूहिक बलात्कार, एकजना पक्राउ
काभ्रेमा १९ वर्षीया युवतीमाथि सामूहिक बलात्कार
कञ्चनपुरमा नाबालिगमाथि सामूहिक बलात्कार
विराटनगरमा २५ वर्षीय किशोरीलाई सामूहिक बलात्कार, तीन जना पक्राउ
इरानमा सामूहिक बलात्कारको आरोपमा पाँच जनालाई मृत्युदण्ड
१७ वर्षीया किशोरीलाई सामूहिक बलात्कार गरेको आरोपमा चारजना पक्राउ