त्रिविका शिक्षक तथा कर्मचारीहरु राजनीतिक दलको महाधिवेशनमा संलग्न भए कारवाही

काठमाडौं । त्रिभुवन विश्वविद्यालयले आफ्ना शिक्षक तथा कर्मचारीलाई कुनैपनि दलको निर्वाचनमा संलग्न नहुन आग्रह गरेको छ ।

बिहीबार त्रिविले आफ्ना कर्मचारी र शिक्षकहरु राजनीतिक दलको महाधिवेशनमा संलग्न भएको समाचार आएको भन्दै उनीहरुलाई कारवाही गर्ने समेत जनाएको छ ।त्रिविको कर्मचारी प्रशासन महाशाखाले महाधिवेशन र विधान अधिवेशनमा भाग लिएको पाए विभागीय कारबाही गर्ने पनि चेतावनी दिएको छ ।

त्रिविको नियामावलीमा दलबाट उम्मेदवार बन्न चाहेमा मनोनयन दर्ताको दिनभन्दा १५ दिनअघि नै राजनीनामा दिइसकेको हुनुपर्ने व्यवस्था रहेको छ ।यसअघि सर्वोच्च अदालतले पनि शिक्षकहरूलाई मतदानमा रोक लगाउने आदेश दिएको थियो।