काठमाडौं। सरकारले तोकेको भन्दा बढी शुल्क मागेको भन्दै विद्यार्थीहरुले काठमाडौं मेडिकल कलेजमा ताला लगाएका छन् । विद्यार्थीहरुले काठमाडौंको सिनामंगलस्थित क्याम्पस प्रशासनमा ताला लगाएका हुन् ।
कलेजले शिक्षण शुल्कबाहेक विभिन्न शीर्षकमा २० लाख रुपैयाँ अतिरिक्त शुल्क मागेको भन्दै विद्यार्थीहरुले कलेजमा ताला लगाएका हुन् । उनीहरुले जिल्ला प्रशासन कार्यलय काठमाडौंमा उजुरी समेत गरेका छन् ।
_20231127105311.gif)
कलेजले होस्टलमा अनिवार्य बस्नुपर्ने र बसभाडा तिनुपर्ने नियम बनाएको छ । विद्यार्थीहरुले यसलाई ऐच्छिक बनाउनुपर्ने माग गरेका छन् । तर कलेजले भने ‘तिर्न सक्छौ भने पढ नभए नपढ, त्यो भन्दा कम शुल्कमा पढाउन सकिँदैन’ भन्ने जवाफ दिएको र पटक पटक छलफल गर्दा पनि विद्यार्थीको कुरा नसुनेको विद्यार्थीहरुले बताएका छन् ।
चिकित्सा शिक्षा आयोगले गत वैशाख २९ गते तोकेको शुल्क अनुसार उपत्यकाभित्र ४० लाख २३ हजार २५० रुपियाँ र उपत्यकाबाहिर ४४ लाख ३६ हजार २५ रहेको छ ।केएमसीले विद्यार्थीलाई उपलब्ध गराएको शुल्कको विवरणमा शिक्षक शुल्कबाहेक नै २० लाख बढी लाग्ने उल्लेख गरिएको छ ।
प्रतिक्रिया दिनुहोस
सफल खबर संवाददाता
मंगलबार, ०६ पुस २०७८, १४ : १३
लेखकबाट थप
सम्बन्धित समाचारहरु
कीर्तिपुरमा केएमसीको निःशुल्क स्वास्थ्य शिविर