चितवन । पूर्वी-चितवनको राप्ती नगरपालिकामा एउटा घरमा आगलागी हुँदा दुई बालबालिकाको जलेर मृत्यु भएको छ । जिल्लाको विकट क्षेत्र राप्ती नगरपालिका–१ मैनाटारस्थित जितबहादुर रुम्बाको घरमा शनिबार बिहान करिव १० बजे आगलागी भएको थियोे । आगलागीमा दुई बालबालिकाको मृत्यु भएको जिल्ला प्रहरी कार्यालय चितवनका प्रवक्ता डिएसपी नरहरी अधिकारीले जानकारी दिए ।
आगलागीमा रुम्बाका छोरातर्फको नाति तीन वर्षीय सुरज रुम्बा र उनकै छोरीतर्फको तीन वर्षीया नातिनी मनिसा तामाङको जलेर मृत्यु भएको अधिकारीले बताए । उनीहरुको घटनास्थलमा नै मृत्यु भएको उनले बताए । काठ र टिनले बनेको घरमा आगलागी भएको हो । सोलारको व्याट्रि सर्ट भएर आगलागी भएको उनले बताए ।
घरका अभिभावक बाहिर गएका बेला घरमा आगलागी भएको थियो । विकट क्षेत्र भएकाले खबर बाहिर आउन ढिला भएको हो । आगलागीबाट घरमा भएको लत्ताकपडा, खाद्यान्न, भाडाकुडा पूर्ण रुपमा जलेर नष्ट भएको छ ।
प्रतिक्रिया दिनुहोस
सफल खबर संवाददाता
आइतबार, १२ मंसिर २०७८, ११ : २६
लेखकबाट थप
सम्बन्धित समाचारहरु
आगलागीमा परेर बागमती प्रदेशमा दुईजनाको मृत्यु, सातजना घाइते
ताप्लेजुङमा आगलागी, २ घर जले
आगलागीबाट उदयपुरमा ३ घर जलेर नष्ट, ४६ लाख बराबरको क्षति
मोरङको पथरीमा आगलागी, एक करोड ५० लाखको क्षति
भोजपुरको हतुवागढीमा आगलागी हुँदा ३ जना बालबालिकाको मृत्यु
कैलालीको बर्दगोरियामा गुड्दै गरेको ट्रकमा आगलागी